Падзеі

Упершыню Беларусь і прадстаўніцтва МФЧК падпісалі план сумесных мерапрыемстваў

Фота МЗС

5 сакавіка, Мінск /Кар. БЕЛТА/. Намеснік міністра замежных спраў Рэспублікі Беларусь Ігар Сякрэта 5 сакавіка сустрэўся з кіраўніком кластарнага прадстаўніцтва Міжнароднай федэрацыі таварыстваў Чырвонага Крыжа і Чырвонага Паўмесяца (МФЧК) у Расіі і Беларусі Франкам Мархаўэрам. Аб гэтым БЕЛТА паведамілі ў беларускім знешнепалітычным ведамстве.

Субяседнікі абмеркавалі актуальныя пытанні супрацоўніцтва Беларусі і федэрацыі, падрабязна спыніліся на гуманітарнай сітуацыі ў рэгіёне і зонах узброеных канфліктаў. Па выніках сустрэчы бакі падпісалі план сумесных мерапрыемстваў дзяржаўных і іншых арганізацый Беларусі і кластарнага прадстаўніцтва МФЧК у Расіі і Беларусі на 2026 год.

План сумесных дзеянняў беларускага боку з МФЧК падпісваецца ўпершыню. Дакумент прадугледжвае комплекс інфармацыйных і практычных мерапрыемстваў, накіраваных на вырашэнне сучасных выклікаў у сферы пераадолення надзвычайных сітуацый і міграцыі ў рэгіёне.

версія для друку

зрабіць стартавай

дабавіць у выбранае