Падзеі

Указам Прэзідэнта ўдакладнены палажэнні аб Мінабароны і Генштабе

Фота з архiва

27 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў указ нумар 36, якім удакладняюцца палажэнні аб Міністэрстве абароны і Генеральным штабе Узброеных Сіл. Дакумент прыняты ў мэтах прывядзення ўказа нумар 719 ад 7 снежня 2006 года ў адпаведнасць з Ваеннай дактрынай. Аб гэтым БЕЛТА паведамілі ў прэс-службе кіраўніка дзяржавы.

У прыватнасці, функцыі Мінабароны дапоўнены палажэннямі па рэалізацыі ва Узброеных Сілах мерапрыемстваў па патрыятычным выхаванні, а таксама па асвятленні ў сродках масавай інфармацыі дзейнасці УС. Акрамя таго, удакладняецца склад калегіі Мінабароны.

Функцыі Генштаба дапоўнены палажэннем па каардынацыі дзейнасці сілавога кампанента ваеннай арганізацыі дзяржавы па пытаннях забеспячэння ваеннай бяспекі і ўзброенай абароны.

версія для друку

зрабіць стартавай

дабавіць у выбранае