Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

19 Dec 2019

Удзел Беларусі ва "Усходнім партнёрстве" абмяркоўваўся ў Бруселі

Удзел Беларусі ва
У час пасяджэння. Фота МЗС

19 снежня, Мінск /Кар. БЕЛТА/. Пытанні беларуска-еўрапейскіх адносін і ўдзел Беларусі ў ініцыятыве "Усходняе партнёрства" абмяркоўваліся ў час рабочага візіту ў Брусель намесніка міністра замежных спраў Беларусі Алега Краўчанкі, паведамілі БЕЛТА ў прэс-службе МЗС.

Алег Краўчанка прыняў удзел у экспертнай дыскусіі "Знешняя палітыка Беларусі: выклікі і магчымасці ў зменлівай геапалітычнай эры", арганізаванай Еўрапейскім інстытутам міру. У сваім выступленні ён растлумачыў асобныя прыярытэты знешняй палітыкі краіны, праінфармаваў аб мерах, што прымаюцца для падтрымання рэгіянальнай стабільнасці.

Таксама намеснік міністра ўзначаліў беларускую дэлегацыю на восьмым пасяджэнні каардынацыйнай групы Беларусь - ЕС. У мерапрыемстве прынялі ўдзел намеснік кіраўніка дырэктара Еўрапейскай службы знешніх дзеянняў па справах Еўропы і Цэнтральнай Азіі Люк Дэвінь, прадстаўнікі МЗС, іншых органаў дзяржаўнага кіравання Беларусі, профільных падраздзяленняў Еўрапейскай камісіі і Еўрапейскай службы знешніх дзеянняў.

У цэнтры ўвагі было супрацоўніцтва ў сферах эканомікі і фінансаў, гандлю, сельскай гаспадаркі, адукацыі, навукі, экалогіі, транспарту, лічбавых тэхналогій, міжнароднай тэхнічнай дапамогі, а таксама пытанні правоў чалавека.

Каардынацыйная група Беларусь - ЕС правяла сваё першае пасяджэнне ў красавіку 2016 года. Гэты фармат створаны для структураванага дыялогу па ўсім спектры пытанняў двухбаковага ўзаемадзеяння паміж Беларуссю і Еўрасаюзам. Пасяджэнні праходзяць раз у паўгоддзе. Удзел у іх прымаюць прадстаўнікі Еўрапейскай камісіі, Еўрапейскай службы знешніх дзеянняў, профільных органаў дзяржаўнага кіравання Беларусі.

Папярэдняе пасяджэнне каардынацыйнай групы адбылося 24-25 красавіка бягучага года ў Мінску.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі