Падзеі

"У цэлым армія боегатова". Лукашэнка аб раптоўнай праверцы Узброеных Сіл

Фота з архiва

20 сакавіка, Мінск /Кар. БЕЛТА/. Узброеныя Сілы Беларусі ў цэлым паказалі дастатковую боегатоўнасць, аднак ёсць і недахопы, якія неабходна ўстараніць. Аб гэтым заявіў журналістам Прэзідэнт Беларусі Аляксандр Лукашэнка, гаворачы аб раптоўнай праверцы боегатоўнасці Узброеных Сіл, перадае карэспандэнт БЕЛТА.

Кіраўнік дзяржавы адзначыў, што фактычна "ўзняў на дыбкі ўсю армію" і такая маштабная праверка праводзіцца ўпершыню. "Усе пачалі абмяркоўваць, што гэта мы ледзь ці не супраць Украіны або Польшчы робім, або Літвы. Ды не, мы гэта робім для сябе. Я хачу пераканацца, які стан нашай арміі", - сказаў ён.

Аляксандр Лукашэнка расказаў, што ў хуткім часе на асобным мерапрыемстве трэба падвесці вынікі праверкі. "Ёсць і шмат недахопаў. Хоць аб гэтым не прынята гаварыць. Ёсць недахопы, але ў цэлым армія боегатова. А дэталёва мы разбяромся потым", - заявіў Прэзідэнт.

версія для друку

зрабіць стартавай

дабавіць у выбранае