Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

23 Dec 2019

У Беларусі ствараецца адзіны эканамічны апеляцыйны суд

У Беларусі ствараецца адзіны эканамічны апеляцыйны суд

23 снежня, Мінск /Кацярына Крышэнік - БЕЛТА/. У Беларусі ствараецца адзіны эканамічны апеляцыйны суд. Ён размесціцца ў Мінску і будзе разглядаць апеляцыі па ўсіх эканамічных справах. Аб гэтым паведаміў журналістам старшыня Вярхоўнага суда Валянцін Сукала, перадае карэспандэнт БЕЛТА.

Прыкладна 75 працэнтаў апеляцыйных скаргаў разглядаюцца на рашэнні абласнога і гарадскога эканамічных судоў. "Гэта значыць асноўныя эканамічныя спрэчкі праходзяць у Мінску і Мінскай вобласці. Таму не будзе праблем з забяспечанасцю правасуддзя (пасля таго як усе апеляцыі стане разглядаць адзіны эканамічны апеляцыйны суд у Мінску. - Заўвага БЕЛТА)", - растлумачыў Валянцін Сукала.

"Цяпер склалася такая сітуацыя, калі эканамічныя абласныя суды разглядаюць спрэчкі па першай інстанцыі і яны ж разглядаюць гэтыя спрэчкі ў апеляцыйным парадку. На наш погляд, гэта не зусім правільна, - прадоўжыў ён. - У нас ёсць такое агульнае правіла і прынцып: адзін суд - адна інстанцыя. Калі ў адным судзе ёсць дзве інстанцыі - гэта ўжо не вельмі добра з пункту гледжання правасуддзя. Мы зыходзім з таго, што трэба падзяліць гэтыя інстанцыі: эканамічныя абласныя суды - па першай інстанцыі, і затым апеляцыйныя скаргі будзе разглядаць адзіны эканамічны апеляцыйны суд у Мінску".

Стварэнне такога суда, на яго думку, "павысіць якасць разгляду эканамічных спрэчак і дасць магчымасць завяршаць правасуддзе на апеляцыйнай стадыі".

Новы суд ствараецца на базе існуючых плошчаў і штатнай колькасці судовай сістэмы, без дадатковых затрат. Размяшчацца ён будзе, хутчэй за ўсё, у тым будынку, дзе цяпер працуюць суды Першамайскага і Савецкага раёнаў Мінска - у наступным годзе яны пераедуць у новы будынак, які ўзводзіцца.

Працаваць у адзіным эканамічным апеляцыйным судзе будуць каля 20 найбольш вопытных суддзяў. "Тых, хто разглядае эканамічныя справы ў апеляцыйным парадку ў абласных эканамічных судах, гэтыя адзінкі мы забіраем і пераводзім у Мінску", - растлумачыў Валянцін Сукала. Разгляд спраў будзе праходзіць у рэжыме відэа-канферэнц-сувязі. Гэта значыць, спрачальныя бакі будуць запрашаць не ў Мінск, а ў спецыяльныя студыі на базе абласных судоў.

Усе неабходныя дзеянні па стварэнні адзінага эканамічнага апеляцыйнага суда плануецца рэалізаваць на працягу 2020 года.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі