Падзеі

Сумесныя навуковыя даследаванні. Пасол Беларусі наведаў інстытут стратэгічных даследаванняў у Астане

Фота Пасольства Рэспублікі Беларусь у Рэспубліцы Казахстан

8 кастрычніка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Казахстан Аляксей Багданаў 7 кастрычніка наведаў Казахстанскі інстытут стратэгічных даследаванняў пры Прэзідэнце Рэспублікі Казахстан, паведамляе БЕЛТА са спасылкай на беларускую загранустанову ў Астане.

Аляксей Багданаў азнаёміўся з магчымасцямі і асноўнымі напрамкамі навуковай дзейнасці інстытута. Бакі выказалі зацікаўленасць у развіцці беларуска-казахстанскага супрацоўніцтва па лініі экспертнага абмену ў галіне вывучэння вопыту канстытуцыйнага рэфармавання, аналізу пабудовы лічбавай эканомікі, перспектыў развіцця інтэграцыйных аб'яднанняў.

Акрамя таго, абмеркаваны практычныя аспекты падрыхтоўкі і правядзення сумесных мерапрыемстваў.

Дасягнута дамоўленасць правесці пасяджэнне экспертнага савета паміж прадстаўнікамі Беларускага інстытута стратэгічных даследаванняў і Казахстанскага інстытута стратэгічных даследаванняў пры Прэзідэнце Рэспублікі Казахстан, у ходзе якога вызначыць тэматыку сумесных навуковых даследаванняў па напрамках, якія цікавяць бакі.

версія для друку

зрабіць стартавай

дабавіць у выбранае