Падзеі

Султан Амана прыбыў з афіцыйным візітам у Беларусь

6 кастрычніка, Мінск /Кар. БЕЛТА/. Султан Амана Хайсам бен Тарэк Аль Саід прыбыў з афіцыйным візітам у Беларусь, перадае карэспандэнт БЕЛТА.

Вечарам 6 кастрычніка адбудуцца перагаворы ў Палацы Незалежнасці. Аляксандр Лукашэнка і Хайсам бен Тарэк Аль Саід разгледзяць ход рэалізацыі дамоўленасцей, дасягнутых у снежні 2024 года ў час візіту Прэзідэнта Беларусі ў Аман, абмяркуюць перспектыўныя напрамкі і шляхі паглыблення супрацоўніцтва ў розных сферах. Галоўны акцэнт - на паглыбленні гандлёва-эканамічнага супрацоўніцтва.

Па выніках перагавораў бакі плануюць падпісаць шэраг міжнародных дакументаў. Чакаецца, што ў іх ліку будзе і пагадненне аб узаемнай адмене віз, праект якога Аляксандр Лукашэнка адобрыў 1 кастрычніка.

У сваю чаргу аманскі бок інфармуе, што візіт адбудзецца 6-7 кастрычніка і праводзіцца ў кантэксце развіцця адносін паміж Аманам і Беларуссю і пашырэння іх гарызонтаў у адпаведнасці з памкненнямі абедзвюх краін. "У час візіту будуць абмяркоўвацца напрамкі супрацоўніцтва паміж дзвюма краінамі ў розных сферах і шляхі яго актывізацыі ў агульных інтарэсах. Лідары дзвюх краін абмяняюцца думкамі па шэрагу актуальных рэгіянальных і міжнародных пытанняў. Яго Вялікасць Султана ў час візіту будзе суправаджаць высокапастаўленая афіцыйная дэлегацыя", - паведамляе агенцтва ONA.

версія для друку

зрабіць стартавай

дабавіць у выбранае