Падзеі

Сітуацыя на заходняй граніцы і грамадска-палітычная абстаноўка абмеркаваны на нарадзе ў Лукашэнкі

14 верасня, Мінск /Кар. БЕЛТА/. Кіраўнік дзяржавы Аляксандр Лукашэнка 12 верасня правёў нараду з сілавым блокам Савета бяспекі Беларусі, паведамляе БЕЛТА.

"Першае пытанне - аб сітуацыі на заходняй граніцы. Хацеў бы пачуць даклад міністра абароны і начальніка Генштаба аб тым, якія вы прапануеце дзеянні нашай арміі ў бліжэйшы час. Гэта значыць, калі натаўскія войскі ў Польшчы, Літве ў прынцыпе скончылі так званыя вучэнні, нам трэба адэкватна на гэта рэагаваць. Мы не можам там доўгі час без неабходнасці трымаць Узброеныя Сілы ў такой колькасці. Тым больш што гэта нятанна", - сказаў Прэзідэнт.

"Калі ж там па-ранейшаму адбываюцца тыя ж падзеі, што і месяц таму, значыць, вашы прапановы, як мы будзем рэагаваць у сувязі з гэтым. Словам, далейшыя дзеянні нашых Узброеных Сіл на заходняй граніцы, зыходзячы з той абстаноўкі, якая складваецца ў Польшчы і Літве", - дадаў Аляксандр Лукашэнка.

Яшчэ адна тэма нарады - грамадска-палітычная сітуацыя. "Міністр унутраных спраў даложыць нам аб грамадска-палітычнай сітуацыі ў цэлым па краіне. Таму што мы звычайна топчамся тут, у Мінску, але краіна не такая маленькая. Таму хацелася б пачуць, якая абстаноўка. Вам у гэтым плане больш бачна, і вы нам даложыце аб сітуацыі, у тым ліку і за мінулы тыдзень", - сказаў кіраўнік дзяржавы.

версія для друку

зрабіць стартавай

дабавіць у выбранае