Падзеі

Стала вядома, які падарунак Лукашэнка падрыхтаваў Пуціну на дзень нараджэння

Аляксандр Лукашэнка і Уладзімір Пуцін у час сустрэчы на востраве Валаам, жнівень 2025 года

13 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка падрыхтаваў свайму расійскаму калегу Уладзіміру Пуціну ў якасці падарунка на дзень нараджэння карціну з пейзажамі Валаама. Аб гэтым у эфіры тэлеканала "Беларусь 1" расказала прэс-сакратар беларускага лідара Наталля Эйсмант, паведамляе БЕЛТА.

Як стала вядома журналістам, Аляксандр Лукашэнка не перадаваў свой падарунак Уладзіміру Пуціну ў час нядаўняга саміту СНД у Душанбэ. Паводле інфармацыі аўтараў сюжэта, гэта можа сведчыць аб хуткай сустрэчы двух лідараў.

"Прэзідэнту Расіі наш Прэзідэнт (яны аб гэтым дамовіліся) свой падарунак абавязкова перадасць асабіста. Гэта даволі маштабная і вельмі прыгожая карціна. Напісана па спецыяльным заказе нашым вядомым беларускім мастаком Масленікавым. На гэтай карціне адлюстраваны проста цудоўныя пейзажы Валаама", - расказала прэс-сакратар Прэзідэнта Беларусі Наталля Эйсмант.

Падарунак Аляксандр Лукашэнка падрыхтаваў і Прэзідэнту Таджыкістана. Аднак падрабязнасцей не паведамлялася.

Эмамалі Рахмон і Уладзімір Пуцін адзначылі свае дні нараджэння 5 і 7 кастрычніка адпаведна. Аляксандр Лукашэнка накіраваў калегам віншавальныя пасланні, а таксама павіншаваў іх асабіста ў час тэлефонных размоў.

версія для друку

зрабіць стартавай

дабавіць у выбранае