Падзеі

Спецфонд Прэзідэнта Беларусі накіруе больш за Br240 тыс. на падтрымку таленавітай моладзі

Фота з архiва

16 ліпеня, Мінск /Кар. БЕЛТА/. Кіраўнік дзяржавы Аляксандр Лукашэнка падпісаў распараджэнне аб зацвярджэнні рашэння савета спецыяльнага фонду Прэзідэнта Беларусі па падтрымцы таленавітай моладзі. Аб гэтым БЕЛТА паведамілі ў прэс-службе беларускага лідара.

На гэтыя мэты з рэспубліканскага бюджэту за кошт сродкаў рэзервовага фонду будзе накіравана больш за Br240 тыс.

Уладальнікамі гранд-прэмій з прысваеннем звання лаўрэата спецыяльнага фонду сталі 13 пераможцаў міжнародных мастацка-творчых спаборніцтваў, у тым ліку два калектывы - народны харэаграфічны ансамбль "Сузор'е" Палаца культуры Салігорска і дуэт Беларускай дзяржаўнай харэаграфічнай гімназіі-каледжа.

Спецыяльныя прэміі прысуджаны пераможцам міжнародных і рэспубліканскіх творчых конкурсаў - 26 прадстаўнікам таленавітай моладзі і 12 творчым калектывам, сярод якіх ансамбль народнай песні "Дзвінскія пералівы" Наваполацкага дзяржаўнага музычнага каледжа, вакальны ансамбль "Карагод" Дзіцячай школы мастацтваў нумар 1 імя Цікоцкага г.Бабруйска, узорны ансамбль танца "Мілавіца" Уваравіцкага цэнтра дзіцячай творчасці Буда-Кашалёўскага раёна, узорны інструментальны ансамбль "Джайв-акорд" Жодзінскай дзіцячай школы мастацтваў і іншыя.

Прэміяй "За ўклад у выхаванне таленавітай моладзі" адзначаны 13 педагогаў.

Гэтыя рашэнні накіраваны на выяўленне і падтрымку таленавітай моладзі, стварэнне дадатковых магчымасцей і спрыяльных умоў для развіцця яе здольнасцей, стымуляванне прафесійнай дзейнасці педагогаў.

версія для друку

зрабіць стартавай

дабавіць у выбранае