Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

8 Jun 2018

Саўмін Саюзнай дзяржавы разгледзіць 15 пытанняў, ВДС - каля 10

8 чэрвеня, Масква /Эдуард Півавар - БЕЛТА/. У парадак дня маючага адбыцца пасяджэння Савета Міністраў Саюзнай дзяржавы ўключана каля 15 пытанняў, Вышэйшы дзяржсавет разгледзіць каля 10 пытанняў. Аб гэтым паведаміў карэспандэнту БЕЛТА дзяржсакратар Саюзнай дзяржавы Рыгор Рапота.

Парадкі дня гэтых мерапрыемстваў былі вызначаны 7 чэрвеня ў Маскве на пасяджэнні Групы высокага ўзроўню Савета Міністраў Саюзнай дзяржавы, якое прайшло з удзелам першага віцэ-прэм'ера Беларусі Васіля Мацюшэўскага і першага віцэ-прэм'ера - міністра фінансаў Расіі Антона Сілуанава.

Паводле слоў Рыгора Рапоты, асноўнымі тэмамі як саюзнага Саўміна, так і Вышэйшага дзяржсавета стануць супрацоўніцтва ў сферах машынабудавання, АПК, паставак прадуктаў харчавання. Што датычыцца апошняга, дзяржсакратар выказаў меркаванне, што бакам неабходна адпрацаваць інструментарый, які дазволіў бы пазбягаць канфліктаў, накшталт малочнага. У прыватнасці, лічыць ён, бакам неабходна правесці работу па ўдасканаленні ўзаемадзеяння інфармацыйных сістэм, правесці сертыфікацыю лабараторый, якія маглі б вырашаць спрэчныя моманты.

"Будуць таксама абмяркоўвацца пытанні ўзаемадзеяння мытных службаў, тут таксама ёсць праблемныя моманты. Гэта значыць увесь комплекс пытанняў, якія цікавяць бакі", - дадаў Рыгор Рапота.

Пасяджэнне Савета Міністраў Саюзнай дзяржавы пройдзе 13 чэрвеня ў Маскве, правядзенне Вышэйшага дзяржсавета запланавана на 19 чэрвеня ў Мінску.

 

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі