Падзеі

Рыжанкоў падкрэсліў адсутнасць праблемных пытанняў у парадку дня МЗС Беларусі і Расіі

15 чэрвеня, Мінск /Кар. БЕЛТА/. Міністр замежных спраў Беларусі Максім Рыжанкоў на перагаворах з кіраўніком МЗС Расіі Сяргеем Лаўровым у Мінску канстатаваў адсутнасць праблемных пытанняў у парадку дня двух міністэрстваў, перадае карэспандэнт БЕЛТА.

Максім Рыжанкоў адзначыў, што Сяргей Лаўроў прыбыў у Мінск напярэдадні, і яны паспелі паразмаўляць на працягу некалькіх гадзін.

"Па выніках нельга вылучыць ні адно праблемнае пытанне, вострую праблематыку, якія мы вымушаны былі б абмяркоўваць", - сказаў кіраўнік МЗС Беларусі.

Кіраўнік МЗС Беларусі звярнуў увагу, што ў гэтым годзе спаўняецца 30 гадоў дагавору, які паклаў пачатак працэсу стварэння Саюзнай дзяржавы. І за гэты перыяд зроблена вельмі шмат у інтарэсах народаў Беларусі і Расіі. А ў аснове дасягнутага - традыцыйны даверны дыялог на вышэйшым узроўні, упэўнены Максім Рыжанкоў.

Ён таксама адзначыў, што наладжаныя прамыя кантакты і ўзаемадзеянне міністэрстваў замежных спраў даюць магчымасць бакам выходзіць на ўзаемапрымальныя рашэнні па ўсім спектры пытанняў інтэграцыйнага парадку дня.

"Важкі ўклад ва ўмацаванне беларуска-расійскага стратэгічнага партнёрства, развіццё сумесных ініцыятыў на міжнароднай арэне ўносіць плённае ўзаемадзеянне нашых знешнепалітычных ведамстваў", - падкрэсліў Максім Рыжанкоў.

Рэгулярныя асабістыя кантакты кіраўнікоў МЗС Беларусі і Расіі, паводле яго слоў, сталі добрай традыцыяй. І ў гэтым годзе ўжо адбыўся шэраг сустрэч. "Высока цаню вынікі гэтых кансультацый, якія прайшлі, як звычайна, у духу ўзаемнай падтрымкі", - сказаў міністр.

Ён канстатаваў паспяховую рэалізацыю праграмы ўзгодненых дзеянняў у галіне знешняй палітыкі на 2024-2026 гады, ход выканання рашэнняў папярэдняга сумеснага пасяджэння калегій міністэрстваў замежных спраў Беларусі і Расіі, а таксама плана кансультацый паміж міністэрствамі замежных спраў на гэты год.

"Пазітыўная дынаміка двухбаковага парадку дня асабліва дакладна праяўляецца на фоне бягучых геапалітычных рэалій. Міжнародная сітуацыя застаецца цяжкапрагназуемай", - падкрэсліў Максім Рыжанкоў.

версія для друку

зрабіць стартавай

дабавіць у выбранае