Падзеі

Рыхтуецца візіт Турчына ў Кыргызстан

Фота з архiва

14 мая, Мінск /Кар. БЕЛТА/. Міністэрствы замежных спраў Беларусі і Кыргызстана правялі ў Мінску кансультацыі па міжнародна-прававых пытаннях. Аб гэтым БЕЛТА паведамілі ў прэс-службе беларускага знешнепалітычнага ведамства.

Беларускую дэлегацыю ўзначаліў начальнік галоўнага дагаворна-прававога ўпраўлення МЗС Андрэй Папкоў, кыргызскую - дырэктар прававога дэпартамента МЗС Жылдыз Кажабекава.

Бакі абмеркавалі праекты міжнародна-прававых дакументаў, якія знаходзяцца на разглядзе, для завяршэння іх узгаднення і падрыхтоўкі да падпісання ў тым ліку ў час маючага адбыцца візіту прэм'ер-міністра Беларусі Аляксандра Турчына ў Кыргызстан.

"Актуалізаваны пералікі двухбаковых міжнародных дагавораў і іншых міжнародных дакументаў, якія дзейнічаюць у адносінах паміж Беларуссю і Кыргызстанам. Удзельнікі кансультацый абмеркавалі пытанні захоўвання арыгіналаў міжнародных дагавораў. Абмяняліся думкамі па розных пытаннях міжнародна-прававога характару, уключаючы падрыхтоўку кваліфікаваных юрыстаў-міжнароднікаў", - адзначылі ў прэс-службе МЗС.

Візіт Аляксандра Турчына ў Кыргызстан стане прадаўжэннем кантактаў на ўрадавым узроўні. У верасні 2025 года Мінск наведаў старшыня Кабінета міністраў - кіраўнік Адміністрацыі Прэзідэнта Кыргызстана Адылбек Касымаліеў. У рамках перагавораў быў падпісаны шэраг дакументаў па развіцці супрацоўніцтва ў розных галінах, і галоўны з іх - дарожная карта да 2030 года.

Бакі нацэлены дасягнуць тавараабароту $500 млн да 2030 года.

версія для друку

зрабіць стартавай

дабавіць у выбранае