Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

10 Mar 2017

Рыбакоў прадставіў у Вене пазіцыю Саюзнай дзяржавы па ўмацаванні дзейнасці МАГАТЭ ў ядзернай навуцы

10 сакавіка, Мінск /Кар. БЕЛТА/. Намеснік міністра замежных спраў, прадстаўнік Беларусі ў Савеце кіраўнікоў МАГАТЭ Валянцін Рыбакоў 9 сакавіка ў штаб-кватэры МАГАТЭ ў Вене прадставіў пазіцыю Беларусі і Расіі па ўмацаванні дзейнасці агенцтва ў ядзернай навуцы. Аб гэтым БЕЛТА паведамілі ў прэс-службе беларускага знешнепалітычнага ведамства.

Напярэдадні ў Вене завяршыла сваю работу чарговая сесія Савета кіраўнікоў МАГАТЭ. "Прадстаўнік Беларусі выступіў ад імя дзяржаў - удзельніц Дагавора аб стварэнні Саюзнай дзяржавы Беларусі і Расіі наконт пункта парадку дня "Умацаванне дзейнасці агенцтва ў галіне ядзернай навукі, тэхналогій і прымяненняў", - праінфармавалі ў МЗС.

Валянцін Рыбакоў адзначыў, што рух па шляху шырокага развіцця ядзерных і радыяцыйных тэхналогій дапаможа ўжо ў бліжэйшай перспектыве істотна павысіць узровень энергетычнай бяспекі, знайсці сістэмныя рашэнні па пераадоленні дэфіцыту прэснай вады, зберажэнні навакольнага асяроддзя і інш. Акрамя таго, гэта дасць магчымасць паставіць надзейную заслону на шляху распаўсюджвання небяспечных вірусных і анкалагічных захворванняў, а па вялікім рахунку - прынесці мір і стабільнасць у многія куткі нашай планеты, павысіць якасць жыцця мільёнаў людзей, забяспечыўшы ім бесперашкодны доступ да выгады мірнага атама.

Намеснік міністра падкрэсліў, што міжнародная супольнасць чакае ад МАГАТЭ як аўтарытэтнай і найбольш тэхнічна кампетэнтнай арганізацыі канкрэтных адказаў і дапамогі ў развіцці эфектыўных і ўстойлівых ядзерна-энергетычных праграм, здольных даць штуршок прамысловаму і сацыяльна-эканамічнаму росту многіх краін, для якіх разумнай альтэрнатывы ўключэнню ядзернай энергетыкі ў энергабаланс не існуе. Сведчаннем таго з'яўляецца ўзрастаючы попыт на паслугі МАГАТЭ па энергетычным планаванні і фарміраванні надзейнай ядзернай інфраструктуры.

"Прадстаўнік Беларусі акцэнтаваў увагу на тым, што ў сучасным свеце шырока прадстаўлена і дынамічна развіваецца ядзерная энергетыка, якая мае свае безумоўныя перавагі. Наш агульны інтарэс у тым, каб такая энергетыка адпавядала найвышэйшым міжнародна прызнаным стандартам эфектыўнасці, бяспекі і нераспаўсюджвання. Ядзерная энергетыка не павінна проціпастаўляцца іншым інавацыйным відам генерацыі. Замест гэтага курс павінен быць узяты на забеспячэнне ўзаемадапаўняльнасці ўсіх існуючых крыніц вытворчасці электраэнергіі пры належнай увазе да экалагічнага складніка", - адзначылі ў прэс-службе.

Савет кіраўнікоў таксама разгледзеў пытанне аб назначэнні генеральнага дырэктара МАГАТЭ. Члены савета аднагалосна, шляхам акламацыі падтрымалі кандыдатуру дзеючага кіраўніка Юкія Амана. У адпаведнасці са статутам МАГАТЭ гэта назначэнне ўступіць у сілу пасля зацвярджэння Генеральнай канферэнцыяй МАГАТЭ, якая адбудзецца ў верасні 2017 года ў Вене.

Беларуская дэлегацыя на чале з Валянцінам Рыбаковым у час сесіі прыняла актыўны ўдзел у дыскусіі па уключаных у парадак дня пунктах, уключаючы пытанні ядзернай бяспекі, абыходжання з выключанымі з ужывання радыеактыўнымі крыніцамі, развіцця ядзерных тэхналогій, ажыццяўлення гарантый МАГАТЭ ў Іране і Сірыі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі