Падзеі

Прэзідэнт Кубы прыбыў з афіцыйным візітам у Беларусь

25 чэрвеня, Мінск /Кар. БЕЛТА/. Прэзідэнт Кубы Мігель Дыяс-Канель Бермудэс прыбыў з афіцыйным візітам у Беларусь. Самалёт кіраўніка дзяржавы прызямліўся ў Нацыянальным аэрапорце Мінск, перадае карэспандэнт БЕЛТА.

Сёння ў Палацы Незалежнасці адбудуцца перагаворы прэзідэнтаў Беларусі і Кубы. Аляксандр Лукашэнка і Мігель Дыяс-Канель Бермудэс абмяркуюць крокі па далейшым умацаванні двухбаковага дыялогу з акцэнтам на развіццё гандлёва-эканамічнага і навукова-тэхнічнага супрацоўніцтва.

Кіраўнікі дзяржаў разгледзяць пытанні глабальнага і рэгіянальнага парадку дня, узаемадзеянне дзвюх краін на шматбаковых пляцоўках.

Праграмай афіцыйнага візіту Прэзідэнта Кубы ў Беларусь запланавана наведванне прадпрыемстваў машынабудаўнічай і фармацэўтычнай галін, а таксама ўдзел у Еўразійскім эканамічным форуме і пасяджэнні Вышэйшага Еўразійскага эканамічнага савета.

версія для друку

зрабіць стартавай

дабавіць у выбранае