Афіцыйны сайт Рэспублікі Беларусь
Улада
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

21 Oct 2019

Прэзідэнт Кубы наведае Беларусь з афіцыйным візітам

Прэзідэнт Кубы наведае Беларусь з афіцыйным візітам
Фота з архіва

21 кастрычніка, Мінск /Кар. БЕЛТА/. Прэзідэнт Кубы Мігель Марыа Дыяс-Канель Бермудэс наведае Беларусь з афіцыйным візітам. Аб гэтым гаворыцца на сайце Міністэрства замежных спраў Кубы, паведамляе БЕЛТА.

Адзначаецца, што візіт у Беларусь стане часткай турнэ кубінскага лідара па еўрапейскіх краінах. Ён таксама наведае з афіцыйным візітам Ірландыю і Расію, а ў Азербайджане прыме ўдзел у саміце Руху недалучэння.

У Міністэрстве замежных спраў Беларусі карэспандэнту БЕЛТА пацвердзілі інфармацыю аб візіце Прэзідэнта Кубы ў Беларусь. Яго прыбыццё чакаецца вечарам 22 кастрычніка, а на наступны дзень пройдуць афіцыйныя мерапрыемствы.

Як паведамлялася, тыдзень таму Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Мігеля Марыа Дыяс-Канеля Бермудэса з выбраннем на пасаду Прэзідэнта Кубы. "Упэўнены, што вы зможаце захаваць і прымножыць дасягненні кубінскай дзяржавы, стаць гарантам абароны інтарэсаў народа, будзеце паслядоўна адстойваць права краіны на самастойнае развіццё", - гаворыцца ў віншаванні.

Аляксандр Лукашэнка адзначыў, што ў Мінску з павагай і сімпатыяй назіраюць за важнымі пераўтварэннямі на Кубе, якія праходзяць пры поўнай падтрымцы і ўдзеле ўсіх грамадзян. Кіраўнік дзяржавы перакананы, што вынікі гэтых працэсаў будуць садзейнічаць устойліваму прагрэсу.

"Пацвярджаю, што Беларусь для Кубы з'яўляецца добрым і надзейным сябрам. Разлічваю, што плённае і ўзаемавыгаднае двухбаковае супрацоўніцтва прадоўжыць дынамічна пашырацца", - падкрэсліў беларускі лідар.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі