Падзеі

Прэзідэнт Казахстана ў тэлефоннай размове павіншаваў Лукашэнку з перамогай на выбарах

Фота з архiва

27 студзеня, Мінск /Кар. БЕЛТА/. Тэлефонная размова прэзідэнтаў Беларусі і Казахстана Аляксандра Лукашэнкі і Касым-Жамарта Такаева адбылася 27 студзеня. Аб гэтым паведамілі БЕЛТА ў прэс-службе беларускага лідара.

Касым-Жамарт Такаеў павіншаваў беларускага калегу з перамогай на выбарах Прэзідэнта Рэспублікі Беларусь. Лідары краін таксама коратка абмеркавалі асноўныя пытанні развіцця двухбаковага супрацоўніцтва, абмяняліся думкамі па міжнароднай тэматыцы.

У адрас Аляксандра Лукашэнкі з нагоды перамогі на выбарах таксама паступіла віншавальнае пасланне ад Прэзідэнта Казахстана. "Ваша пераканаўчая перамога на выбарах з'яўляецца вынікам Вашай самаадданай дзейнасці на пасадзе кіраўніка дзяржавы і беззапаветнага служэння на карысць беларускага народа. Вынікі галасавання наглядна дэманструюць усенародную падтрымку Вашаму стратэгічнаму курсу, нацэленаму на пабудову моцнай і працвітаючай дзяржавы, забеспячэнне ўстойлівага эканамічнага росту і ўмацаванне міжнароднага аўтарытэту краіны", - гаворыцца ў віншаванні.

Касым-Жамарт Такаеў адзначыў, што ў Казахстане Аляксандра Лукашэнку ведаюць як выдатнага палітычнага дзеяча, які ўнёс велізарны ўклад у развіццё казахска-беларускіх адносін дружбы і стратэгічнага партнёрства.

Прэзідэнт Казахстана пажадаў беларускаму калегу невычэрпнай энергіі і паспяховай рэалізацыі ўсіх намечаных планаў у адказнай дзяржаўнай дзейнасці ў імя дабрабыту і прагрэсу братэрскай Беларусі.

версія для друку

зрабіць стартавай

дабавіць у выбранае