Падзеі

Прэзідэнт Беларусі на аснове прынцыпу гуманізму памілаваў 250 асуджаных

Фота з архiва

19 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка на аснове прынцыпу гуманізму памілаваў 250 асуджаных. Аб гэтым паведамілі БЕЛТА ў прэс-службе кіраўніка дзяржавы.

"Прэзідэнтам прынята рашэнне аб памілаванні шэрага асоб, асуджаных за злачынствы экстрэмісцкай накіраванасці. У першую чаргу кіраўнік дзяржавы традыцыйна кіраваўся прынцыпам гуманізму. І, вядома ж, улічваў звароты, якія паступілі ад маці, жонак і блізкіх асуджаных", - паведамілі ў прэс-службе.

"Таксама неабходна падкрэсліць: усе звароты да ўнясення Прэзідэнту былі падрабязна разгледжаны адпаведнай камісіяй пад кіраўніцтвам генпракурора. Пры прыняцці рашэння кіраўнік дзяржавы ўлічваў і меркаванне членаў гэтай камісіі. У выніку прынята рашэнне аб памілаванні 250 асоб. Усім ім дзяржава прадастаўляе права на новую старонку ў жыцці", - сказалі ў прэс-службе.

версія для друку

зрабіць стартавай

дабавіць у выбранае