У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

4 Ліп 2018

Прадстаўнікі краін АБСЕ азнаёміліся з найноўшым узбраеннем беларускай арміі

4 ліпеня, Мінск /Кар. БЕЛТА/. У адпаведнасці з палажэннямі Венскага дакумента 2011 года аб мерах умацавання і бяспекі Беларусь 4-6 ліпеня праводзіць дэманстрацыю новых тыпаў асноўных сістэм узбраення і ваеннай тэхнікі для прадстаўнікоў дзяржаў - удзельніц АБСЕ, перадае карэспандэнт БЕЛТА.

У брыфінгу прынялі ўдзел 38 прадстаўнікоў з 19 дзяржаў і цэнтра па прадухіленні канфліктаў АБСЕ. Сярод краін-удзельніц Вялікабрытанія, Венгрыя, Германія, Данія, Іспанія, Італія, Расія, ЗША, Украіна, Францыя.

Мерапрыемства прайшло пад кіраўніцтвам начальніка дэпартамента міжнароднага ваеннага супрацоўніцтва - памочніка міністра абароны Беларусі па пытаннях міжнароднага ваеннага супрацоўніцтва генерал-маёра Алега Воінава. "Адна з мэт сустрэчы - давесці асноўныя напрамкі нашай абароннай палітыкі, паказаць, што Беларусь - міралюбная дзяржава. У нас няма тэрытарыяльных прэтэнзій ні да каго з суседзяў, але ў нас ёсць Узброеныя Сілы, ёсць новыя ўзоры ўзбраення і тэхнікі, якія змогуць надзейна абараніць рэспубліку", - адзначыў ён.

"У рамках міжнародных абавязацельстваў мы павінны паказваць новыя ўзоры ўзбраення і ваеннай тэхнікі, што мы і робім, прадастаўляючы магчымасць усім краінам АБСЕ асабіста з імі азнаёміцца. Я думаю, што гэта мерапрыемства зніме многія пытанні, і той лёд недаверу, які, можа, існуе, растае. І мы будзем больш давяраць адзін аднаму, да гэтага трэба імкнуцца", - дадаў генерал-маёр.

Замежным прадстаўнікам былі прэзентаваны рэактыўная сістэма залпавага агню В-200 БМ "Паланэз", прынятая на ўзбраенне ў 2016 годзе, і 120-мм мінамёт 2Б23 "Нона М1". Іх рэальная дэманстрацыя пройдзе 5 ліпеня ў размяшчэнні 120-й асобнай гвардзейскай механізаванай брыгады Паўночна-Заходняга аператыўнага камандавання.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі