Падзеі
Перспектывы рэалізацыі адукацыйных праграм абмеркаваны на сустрэчы Мясніковіча з паслом Ісландыі
16 студзеня, Мінск /Кар. БЕЛТА/. Перспектывы рэалізацыі сумесных адукацыйных праграм абмяркоўваліся сёння ў Савеце Рэспублікі на сустрэчы старшыні верхняй палаты парламента Міхаіла Мясніковіча з Надзвычайным і Паўнамоцным Паслом Ісландыі ў Расіі і Беларусі па сумяшчальніцтве Сігрыдур Берглінд Асгейрсдоцір. Аб гэтым БЕЛТА паведамілі ў прэс-службе Савета Рэспублікі.
На сустрэчы разглядаліся пытанні гандлёва-эканамічнага і міжпарламенцкага супрацоўніцтва дзвюх краін. "Асаблівую ўвагу бакі ўдзялілі перспектывам пашырэння партнёрства ў сферы турызму, магчымасцям рэалізацыі сумесных адукацыйных праграм. У якасці перспектыўных напрамкаў узаемадзеяння абазначаны IT-тэхналогіі, гідраэнергетыка, экалогія", - праінфармавалі ў прэс-службе.
Міхаіл Мясніковіч адзначыў важнае значэнне парламенцкага супрацоўніцтва для ўмацавання двухбаковых сувязей і агучыў запрашэнне парламенцкай дэлегацыі Ісландыі наведаць з візітам Беларусь.
У сваю чаргу пасол падзякавала за цёплы прыём і выказала ўпэўненасць у далейшым пашырэнні супрацоўніцтва Беларусі і Ісландыі.
версія для друку
зрабіць стартавай
дабавіць у выбранае