Падзеі
Перспектыўныя напрамкі развіцця беларуска-азербайджанскіх адносін абмеркаваны на сустрэчы Зася з Аліевым
27 верасня, Мінск /Уладзімір Мацвееў - БЕЛТА/. Перспектыўныя напрамкі развіцця беларуска-азербайджанскіх адносін абмеркаваны 27 верасня ў Баку на сустрэчы дзяржаўнага сакратара Савета бяспекі Беларусі Станіслава Зася з Прэзідэнтам Азербайджана Ільхамам Аліевым. Аб гэтым БЕЛТА паведамілі ў Дзяржсакратарыяце Савета бяспекі.
"Бакі абмеркавалі шырокі спектр пытанняў двухбаковых адносін, у тым ліку ход рэалізацыі дамоўленасцей на вышэйшым узроўні, ажыццяўлення ўзаемавыгадных праектаў, пашырэння сумеснай прадукцыі ў трэція краіны. Вызначаны перспектыўныя напрамкі для развіцця і ўмацавання беларуска-азербайджанскіх адносін", - расказалі ў ведамстве.
На сустрэчы была таксама падкрэслена важнасць прадаўжэння цеснага ўзаемадзеяння і аказання ўзаемнай падтрымкі на міжнароднай арэне.
версія для друку
зрабіць стартавай
дабавіць у выбранае