Падзеі
Патупчык: Рашэнні па расійскім газе прыняты і будуць узгоднены на палітычным узроўні
24 лютага, Мінск /Кар. БЕЛТА/. Рашэнні па расійскім газе прыняты і будуць узгоднены на палітычным узроўні. Аб гэтым паведаміў сёння журналістам міністр энергетыкі Уладзімір Патупчык перад пасяджэннем падагульняючай калегіі Мінэнерга, перадае карэспандэнт БЕЛТА.
Паводле слоў міністра, прынцыпова важна выканаць усе нормы, закладзеныя ў падпісаным дагаворы аб ЕАЭС. У першую чаргу размова ідзе аб стварэнні роўных умоў для суб'ектаў гаспадарання ўсіх удзельнікаў саюза.
"У сувязі з гэтым, каб да 1 ліпеня 2019 года стварыць агульны рынак электраэнергіі, а да 1 студзеня 2015 года - агульны рынак газу, мы павінны максімальна зблізіць цэны на газ, чым мы сёння і займаемся. Усё, што зроблена ў гэтай частцы, даведзена да грамадскасці віцэ-прэм'ерам Беларусі Уладзімірам Сямашкам і віцэ-прэм'ерам Расіі Аркадзем Дварковічам. Усе далейшыя крокі залежаць ад палітычных рашэнняў, якія будуць прымацца на вышэйшым узроўні", - сказаў Уладзімір Патупчык.
версія для друку
зрабіць стартавай
дабавіць у выбранае