Падзеі

Пастаянны прадстаўнік Беларусі ўручыў даверчыя граматы старшыні Камісіі Афрыканскага саюза

Фота kenya.mfa.gov.by

24 лютага, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Кенія, Пастаянны прадстаўнік Рэспублікі Беларусь пры Афрыканскім Саюзе Дзмітрый Красоўскі 24 лютага ўручыў даверчыя граматы старшыні Камісіі Афрыканскага саюза Махмуду Алі Юсуфу ў штаб-кватэры арганізацыі ў горадзе Адыс-Абеба (Эфіопія). Аб гэтым карэспандэнту БЕЛТА паведамілі ў знешнепалітычным ведамстве Беларусі.

Дзмітрый Красоўскі пацвердзіў прыхільнасць беларускага боку да паслядоўнага развіцця адносін з дзяржавамі Афрыкі на прынцыпах узаемнай павагі і даверу, а таксама выбудоўвання ўзаемавыгаднага эканамічнага супрацоўніцтва.

Субяседнікі дамовіліся аб прадаўжэнні работы з профільнымі дэпартаментамі Камісіі з мэтай структуравання ўзаемадзеяння і фарміравання плана і прыярытэтаў далейшага супрацоўніцтва.

версія для друку

зрабіць стартавай

дабавіць у выбранае