Падзеі

Пасол Беларусі ўручыў даверчыя граматы султану Амана

Фота МЗС Беларусі

11 лютага, Мінск /Кар. БЕЛТА/. Надзвычайны і Паўнамоцны Пасол Беларусі ў Егіпце і Амане па сумяшчальніцтве Яўген Сабалеўскі ўручыў даверчыя граматы султану Амана Хайсаму бен Тарэку Аль Саіду. Аб гэтым БЕЛТА паведамілі ў прэс-службе беларускага знешнепалітычнага ведамства.

У час цырымоніі субяседнікі падкрэслілі актыўную дынаміку кантактаў на розных узроўнях, а таксама абмеркавалі графік двухбаковых мерапрыемстваў на бліжэйшую перспектыву, уключаючы правядзенне першага пасяджэння сумеснага камітэта па супрацоўніцтве і інвестыцыях.

Яўген Сабалеўскі і Хайсам бен Тарэк Аль Саід адзначылі зладжаныя намаганні бакоў па рэалізацыі дамоўленасцей, дасягнутых у час перагавораў кіраўнікоў дзяржаў у 2024-2025 гадах, і пацвердзілі намер прадоўжыць работу па рэалізацыі намечаных праектаў.

версія для друку

зрабіць стартавай

дабавіць у выбранае