Падзеі

Пасол Беларусі ўручыў даверчыя граматы Прэзідэнту Дамініканскай Рэспублікі

Фота МЗС

20 лістапада, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Куба і Дамініканскай Рэспубліцы па сумяшчальніцтве Віталь Барчук 19 лістапада ўручыў даверчыя граматы Прэзідэнту Дамініканскай Рэспублікі Луісу Радольфа Абінадэру Кароне. Аб гэтым паведамляе БЕЛТА са спасылкай на беларускае знешнепалітычнае ведамства.

Бакі абмеркавалі стан і перспектывы развіцця ўзаемадзеяння, у тым ліку ў кантэксце маючага адбыцца ў 2026 годзе 25-гадовага юбілею ўстанаўлення дыпламатычных адносін паміж дзвюма краінамі.

У час размовы былі закрануты таксама магчымасці пашырэння сувязей у гандлёва-эканамічнай і гуманітарнай сферах, актывізацыя работы па ўдасканаленні дагаворна-прававой базы. Акрамя таго, была пацверджана гатоўнасць да ўмацавання палітычных адносін і ўзаемнай падтрымкі на міжнароднай арэне.

версія для друку

зрабіць стартавай

дабавіць у выбранае