Падзеі

Абмяркоўваючы супрацоўніцтва Беларусі з ЮНЕСКА, Павел Латушка адзначыў высокі ўзровень узаемадзеяння краіны з гэтай міжнароднай арганізацыяй, якая ў 2015 годзе адзначае 70-гадовы юбілей.

Сустрэча адбылася ў штаб-кватэры ЮНЕСКА напярэдадні візіту Хаа Піна ў Беларусь. У якасці намесніка міністра адукацыі КНР Хаа Пін 17 красавіка прыме ўдзел у І пасяджэнні камісіі па супрацоўніцтве ў галіне адукацыі беларуска-кітайскага міжурадавага камітэта па супрацоўніцтве. Праграмай знаходжання Хаа Піна ў Мінску прадугледжаны сустрэча з міністрам адукацыі Міхаілам Жураўковым, наведванне Беларускага дзяржаўнага ўніверсітэта. Старшыня генеральнай канферэнцыі ЮНЕСКА таксама хацеў бы наведаць Нясвіжскі палацава-паркавы комплекс, уключаны ў спіс Сусветнай спадчыны ЮНЕСКА, і Беларускі музей гісторыі Вялікай Айчыннай вайны.

У ходзе сустрэчы субяседнікі адзначылі высокі ўзровень двухбаковых беларуска-кітайскіх кантактаў. Павел Латушка падкрэсліў, што пацвярджэннем актыўнага развіцця адносін з'яўляецца нядаўні афіцыйны візіт міністра замежных спраў Кітая ў Беларусь.

Хаа Пін пацвердзіў, што Беларусь з'яўляецца для КНР вельмі блізкім партнёрам і адной з краін, з якой у Кітая склалася эфектыўнае супрацоўніцтва ў галіне адукацыі. Хаа Пін падкрэсліў, што высокі ўзровень беларускіх ВНУ прываблівае кітайскіх студэнтаў для атрымання вышэйшай адукацыі. Паміж краінамі наладжана супрацоўніцтва ў сферы паслядыпломнай адукацыі і ў навуковай сферы.