Падзеі

Пасол Беларусі ў Ізраілі сустрэўся з кіраўніком комплексу гісторыі халакосту "Яд Вашэм"

Дэніэль Даян і Юрый Ярашэвіч

10 чэрвеня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Дзяржаве Ізраіль Юрый Ярашэвіч сустрэўся са старшынёй праўлення Мемарыяльнага комплексу гісторыі халакосту "Яд Вашэм" Дэніэлем Даянам. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

У час сустрэчы была падкрэслена агульнасць лёсаў беларускага і яўрэйскага народаў у час Другой сусветнай вайны. Асобна быў адзначаны факт прылічэння амаль 700 беларусаў да праведнікаў свету - тых, хто, рызыкуючы ўласным жыццём і бяспекай блізкіх, ратаваў яўрэяў ад нацыстаў у час халакосту.

Пасол таксама акцэнтаваў увагу на тым, што беларускі бок удзяляе асаблівую ўвагу захаванню гераічнай спадчыны двух народаў, сведчаннем чаго з'яўляецца ўдзел Міністэрства замежных спраў Беларусі ў суботніку па добраўпарадкаванні гісторыка-турыстычнага аб'екта ў Налібоцкай пушчы, прысвечанага партызанскаму руху Беларусі і, у прыватнасці, дзейнасці атрадаў братоў Бельскіх і Зорына.

Дэніэль Даян выказаў гатоўнасць да прадаўжэння і пашырэння супрацоўніцтва з Беларускім дзяржаўным музеем гісторыі Вялікай Айчыннай вайны і архіўнымі інстытутамі.

версія для друку

зрабіць стартавай

дабавіць у выбранае