Падзеі

"Няхай Вашы мудрасць і вопыт прадаўжаюць натхняць навакольных". Лукашэнка павіншаваў Назарбаева з юбілеем

Фота з архiва

6 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў першага Прэзідэнта Казахстана Нурсултана Назарбаева з юбілеем, падкрэсліўшы яго бясцэнны ўклад у станаўленне дзяржаўнасці і фарміраванне сацыяльна-эканамічнага фундаменту Казахстана, а таксама ў пашырэнне інтэграцыйных працэсаў і ўмацаванне бяспекі на еўразійскай прасторы. Аб гэтым БЕЛТА паведамілі ў прэс-службе Прэзідэнта.

"З вялікай цеплынёй успамінаю нашы сустрэчы і выказваю ўдзячнасць за Вашы намаганні па ўмацаванні дружалюбных сувязей паміж братэрскімі народамі Беларусі і Казахстана", - адзначыў беларускі лідар.

Кіраўнік дзяржавы выказаў упэўненасць, што курс Мінска і Астаны на паглыбленне саюзніцтва і стратэгічнага партнёрства захавае сваю дадатную дынаміку, а яго вынікамі стануць новыя важкія дасягненні як у двухбаковым супрацоўніцтве, так і ў рамках міжнародных арганізацый.

Аляксандр Лукашэнка пажадаў Нурсултану Назарбаеву здароўя і даўгалецця, поспехаў і дабрабыту ва ўсіх сферах жыцця: "Няхай Вашы мудрасць і вопыт прадаўжаюць натхняць навакольных".

версія для друку

зрабіць стартавай

дабавіць у выбранае