Падзеі

Непал выказаў зацікаўленасць у прыцягненні беларускіх тэхналогій

Фота з архіва МЗС

3 сакавіка, Мінск /Кар. БЕЛТА/. Першы намеснік міністра замежных спраў Беларусі Сяргей Лукашэвіч 3 сакавіка сустрэўся з Ганаровым консулам Рэспублікі Беларусь у Непале, якім з'яўляецца Аджэя Радж Сумаргі Параджулі. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

"Субяседнікі разгледзелі пытанні актывізацыі беларуска-непальскага супрацоўніцтва ў сферах прамысловасці, адукацыі, фінансаў, а таксама энергетыкі", - гаворыцца ў паведамленні беларускага Міністэрства замежных спраў.

Ганаровы консул Рэспублікі Беларусь у Непале адзначыў сур'ёзную зацікаўленасць непальскага боку ў інтэнсіфікацыі ўзаемадзеяння з нашай краінай, асабліва ў пытанні прыцягнення беларускіх тэхналогій для павышэння эфектыўнасці сацыяльна-эканамічнага развіцця Непала.

версія для друку

зрабіць стартавай

дабавіць у выбранае