Падзеі

"На аркане людзей не зацягнеш". Лукашэнка аб задачы ствараць прывабныя ўмовы ў аграгарадках

6 лістапада, Мазыр /Кар. БЕЛТА/. Прэзідэнт Беларусі Аляксандр Лукашэнка ў час рабочай паездкі ў Гомельскую вобласць арыентаваў на стварэнне ў аграгарадках больш прывабных умоў для жыцця людзей, перадае карэспандэнт БЕЛТА.

Агульнавядома, што жыхары вёсак нярэдка імкнуцца пераехаць у гарады, у тым ліку і таму, што там больш камфортныя, прывабныя ўмовы жыцця, больш развітая інфраструктура. У той жа час страціць вёску ні ў якім разе нельга, аб гэтым не раз гаварыў Прэзідэнт. На ўзроўні дзяржавы стаіць найважнейшая задача - захаваць сяло. "Людзей жа на аркане, на вяроўцы туды не зацягнеш. Значыць, трэба ствараць умовы і мяняць сістэму", - сказаў Аляксандр Лукашэнка. На гэта накіраваны ў тым ліку дзяржпраграмы па адраджэнні вёскі. "У сацыяльным плане гэта значыць стварэнне аграгарадкоў. Дапусцім, у Мазырскім раёне 14 аграгарадкоў. Гэта буйныя вёскі, дзе павінна быць усё як у горадзе: дзіцячы сад, школа, банкаўская ўстанова", - арыентаваў Прэзідэнт.

версія для друку

зрабіць стартавай

дабавіць у выбранае