Падзеі

МЗС расказала аб тэрмінах уступлення ў сілу бязвізавага рэжыму з Лаосам

Фота МЗС

18 ліпеня, Мінск /Кар. БЕЛТА/. У Міністэрстве замежных спраў Беларусі расказалі аб тэрмінах уступлення ў сілу бязвізавага рэжыму з Лаосам, паведамляе БЕЛТА.

У час візіту міністра замежных спраў Беларусі Максіма Рыжанкова ў Лаос 17 ліпеня бакі падпісалі міжурадавае пагадненне аб адмене віз для ўладальнікаў нацыянальных пашпартоў.

Разам з тым у МЗС падкрэслілі, што падпісанне пагаднення не азначае яго неадкладнага ўступлення ў сілу. "Для запуску бязвізавага рэжыму бакам неабходна прайсці шэраг унутрыдзяржаўных працэдур, уключаючы ратыфікацыю дакумента ва ўстаноўленым парадку. Гэтыя працэсы займаюць пэўны час", - растлумачылі ў ведамстве.

МЗС заклікала беларускіх грамадзян улічваць гэты факт пры планаванні паездак у Лаос і ўважліва сачыць за афіцыйнай інфармацыяй, якая будзе размяшчацца на рэсурсах міністэрства. Аб даце ўступлення пагаднення ў сілу ў ведамстве паабяцалі паведаміць дадаткова.

версія для друку

зрабіць стартавай

дабавіць у выбранае