Падзеі

25 студзеня, Мінск /Кар. БЕЛТА/. Сумесная работа беларуска-латвійскай міжурадавай камісіі садзейнічае развіццю ўсебаковага ўзаемадзеяння паміж краінамі, заявіў намеснік міністра замежных Яўген Шэстакоў на 12-м пасяджэнні беларуска-латвійскай міжурадавай камісіі па эканамічным і навукова-тэхнічным супрацоўніцтве. Аб гэтым БЕЛТА паведамілі ў прэс-службе МЗС.

"У сваім выступленні Яўген Шэстакоў адзначыў высокую эфектыўнасць работы міжурадавай камісіі як адной з пляцовак для развіцця двухбаковага ўзаемадзеяння па эканамічнай праблематыцы. Падкрэслена значнасць сумеснай работы над удасканаленнем транспартнай інфраструктуры, паляпшэннем транзітных магчымасцей і лагістычных ланцужкоў, наяўнасць перспектыў для далейшага развіцця супрацоўніцтва ў сферы турызму, будаўніцтва, фармацэўтыкі, адукацыйных, медыцынскіх і дзелавых паслуг, паставак тэхнікі і абсталявання", - расказалі ў міністэрстве.

Пасяджэнне беларуска-латвійскай міжурадавай камісіі прайшло ў Мінску 25 студзеня. На ім разглядаліся стан і перспектывы развіцця адносін паміж краінамі ў сферах гандлю, транспарту, транзіту і лагістыкі, сувязі, энергетыкі, сельскай гаспадаркі і харчовай прамысловасці, а таксама міжрэгіянальнага ўзаемадзеяння.