Падзеі

МЗС Беларусі выступае за доўгатэрміновае ўрэгуляванне палесціна-ізраільскага канфлікту

Фота з архiва

13 кастрычніка, Мінск /Кар. БЕЛТА/. Беларусь з глыбокім задавальненнем успрыняла рэалізацыю дамоўленасцей аб спыненні агню ў сектары Газа, запуску першай фазы мірнага плана і пачатку працэсу вызвалення заложнікаў. Аб гэтым заявіў прэс-сакратар знешнепалітычнага ведамства Руслан Варанкоў, адказваючы на пытанне карэспандэнта БЕЛТА, як Міністэрства замежных спраў Беларусі ацэньвае апошнія падзеі ў сектары Газа.

"Мы высока ацэньваем намаганні ўсіх бакоў, уключаных у гэты складаны перагаворны працэс, - падкрэсліў прэс-сакратар. - Наша традыцыйная і паслядоўная пазіцыя застаецца нязменнай: мы выступаем за вырашэнне міжнародных спрэчак выключна мірнымі, дыпламатычнымі сродкамі, у строгай адпаведнасці са Статутам ААН. Для нас вельмі важны любыя крокі, накіраваныя на спыненне пакут мірнага насельніцтва і забеспячэнне бесперашкоднага доступу гуманітарнай дапамогі".

Афіцыйны прадстаўнік МЗС выказаў надзею, што цяперашняе спыненне агню стане трывалай асновай для ўстанаўлення ўстойлівага і справядлівага міру.

"Упэўнены, што доўгатэрміновае ўрэгуляванне палесціна-ізраільскага канфлікту магчыма толькі на аснове двухдзяржаўнага рашэння", - падкрэсліў ён.

"Беларусь, якая яшчэ ў 1988 годзе як член і сузаснавальнік ААН прызнала незалежнасць Дзяржавы Палесціна, паслядоўна зыходзіць з неад'емнага права палесцінскага народа самастойна вызначаць свой лёс", - рэзюмаваў Руслан Варанкоў.

версія для друку

зрабіць стартавай

дабавіць у выбранае