22 верасня, Мінск /Кар. БЕЛТА/. Кансультацыі паміж міністэрствамі замежных спраў Беларусі і Сербіі адбыліся сёння ў Мінску. Аб гэтым БЕЛТА паведамілі ў прэс-службе беларускага знешнепалітычнага ведамства.
Беларускую дэлегацыю ўзначаліла намеснік міністра замежных спраў Алена Купчына, сербскую - намеснік міністра замежных спраў Горан Алексіч.
Бакі абмеркавалі шырокі спектр пытанняў двухбаковага супрацоўніцтва ў палітычнай, гандлёва-эканамічнай і іншых сферах, узаемадзеянне на пляцоўках міжнародных арганізацый, у тым ліку ў кантэксце цяперашняга старшынства Сербіі ў АБСЕ, абмяняліся думкамі па актуальных праблемах міжнароднага парадку дня.