Падзеі

Моластаў расказаў аб развіцці органаў пагранслужбы з улікам бягучай абстаноўкі

Фота з архiва

12 лістапада, Мінск /Кар. БЕЛТА/. Старшыня Дзяржаўнага пагранічнага камітэта Канстанцін Моластаў расказаў журналістам аб развіцці і ўдасканаленні органаў пагранічнай службы з улікам бягучай абстаноўкі, перадае карэспандэнт БЕЛТА.

"Органы пагранічнай службы знаходзяцца ў пастаянным удасканаленні і развіцці. Сур'ёзна развіваем сістэму размяшчэння сіл і сродкаў, умацоўваем найбольш складаныя ўчасткі граніцы, у тым ліку шляхам стварэння новых падраздзяленняў, пагранічных застаў. Гэта нам забяспечвае і дзяржаўная інвестыцыйная праграма, за кошт якой мы будуем новыя гарадкі пагранічных застаў, новае жыллё для ваеннаслужачых і іх сем'яў, - расказаў Канстанцін Моластаў. - Развіваем сістэму інжынерных збудаванняў і загарод, сістэму фіксацыі праходу парушальнікаў дзяржаўнай граніцы, беспілотную авіяцыю".

Паводле яго слоў, ідзе пастаянная камплектацыя новым узбраеннем, баявой і спецыяльнай тэхнікай. Вялікая ўвага ўдзяляецца баявой падрыхтоўцы. Старшыня ДПК звярнуў увагу, што на базе Інстытута пагранічнай службы літаральна нядаўна быў уведзены ў строй новы комплекс вучэбнай пагранічнай заставы. Створаны цэнтр абучэння спецыялістаў беспілотных лятальных апаратаў.

"Вялікую ўвагу ўдзяляем моладзі, развіццю ваенна-патрыятычных клубаў пагранічнай накіраванасці", - падкрэсліў Канстанцін Моластаў.

версія для друку

зрабіць стартавай

дабавіць у выбранае