2 красавіка, Мінск /Аліна Грышкевіч - БЕЛТА/. Міністр замежных спраў Ірака Ібрагім аль-Джафары 8-11 красавіка наведае з афіцыйным візітам Беларусь. Аб гэтым паведаміў на брыфінгу начальнік упраўлення інфармацыі - прэс-сакратар МЗС Дзмітрый Мірончык, перадае карэспандэнт БЕЛТА.
Гэта першы візіт кіраўніка знешнепалітычнага ведамства Ірака за ўсю гісторыю беларуска-іракскіх дыпламатычных адносін. У праграме візіту - перагаворы кіраўніка іракскай дэлегацыі з міністрам замежных спраў Уладзімірам Макеем, іншыя афіцыйныя сустрэчы, а таксама наведванне шэрага прамысловых прадпрыемстваў.