Падзеі

Фота МЗС

29 жніўня, Мінск /Аліна Грышкевіч - БЕЛТА/. Міністр замежных спраў Беларусі Уладзімір Макей 29 жніўня сустрэўся з часовым павераным у справах Злучаных Штатаў Амерыкі ў Беларусі Джэніфер Мур. Аб гэтым БЕЛТА паведамілі ў прэс-службе беларускага знешнепалітычнага ведамства.

Сустрэча адбылася ў сувязі з пачаткам дыпламатычнай місіі Джэніфер Мур у нашай краіне. Бакі абмеркавалі актуальны стан і перспектывы развіцця беларуска-амерыканскіх адносін.

Як праінфармавалі раней у пасольстве, Джэніфер Мур з'яўляецца кар'ерным дыпламатам. Перад прыездам у Мінск яна займала пасаду намесніка дырэктара ўпраўлення па справах Паўднёвай Еўропы Дзяржаўнага дэпартамента ЗША, якое адказвае за адносіны ЗША з Турцыяй, Грэцыяй і Кіпрам. Новы часовы павераны мае багаты вопыт работы па еўрапейскай тэматыцы і на працягу большай часткі кар'еры спецыялізавалася ў пытаннях міжнароднага супрацоўніцтва і рэформ у галіне бяспекі. Раней Джэніфер Мур працавала на пасадзе намесніка дырэктара ўпраўлення Дзяржаўнага дэпартамента па міратворчай дзейнасці, санкцыях і барацьбе з тэрарызмам, саветніка па палітычных і эканамічных пытаннях пасольства ЗША ў Тыране, а таксама на розных пасадах у палітычным, ваенна-палітычным і эканамічным аддзелах у пасольстве ЗША ў Анкары, Сараеве, Багдадзе і Джакарце. Дыпламат таксама з'яўлялася дзяжурным супрацоўнікам Аператыўнага цэнтра Дзяржаўнага дэпартамента і асістэнтам памочніка дзяржаўнага сакратара па ваенна-палітычных пытаннях.