Падзеі

21 чэрвеня, Мінск /Кар. БЕЛТА/. Міністр замежных спраў Беларусі Уладзімір Макей 22 чэрвеня правядзе перагаворы з міністрам замежных і еўрапейскіх спраў Славакіі Міраславам Лайчакам і міністрам замежных спраў і знешняга гандлю Венгрыі Петэрам Сіярта. Аб гэтым БЕЛТА паведамілі ў прэс-службе беларускага знешнепалітычнага ведамства.

У міністэрстве праінфармавалі, што ў час сустрэчы з Міраславам Лайчакам будзе абмеркаваны ўвесь спектр двухбаковага ўзаемадзеяння, развіццё дыялогу па лініі Беларусь - ЕС, актуальныя пытанні міжнароднага парадку дня, бакі намецяць крокі па далейшым пашырэнні беларуска-славацкага супрацоўніцтва ў розных галінах.

На перагаворах з кіраўніком знешнепалітычнага ведамства Венгрыі будзе разгледжаны ўвесь комплекс двухбаковых адносін з упорам на эканамічны і інвестыцыйны складнікі, узаемадзеянне з Венгрыяй па лініі Беларусь - ЕС, а таксама ў фармаце міжнародных арганізацый.