Падзеі

25 лютага, Мінск /Кар. БЕЛТА/. Міністр замежных спраў Беларусі Уладзімір Макей абмеркаваў сёння з дакладчыкам па Беларусі Камісіі па палітычных пытаннях і дэмакратыі Парламенцкай асамблеі Савета Еўропы (ПАСЕ) Андрэа Рыгоні далучэнне краіны да прававых інструментаў і механізмаў Савета Еўропы. Аб гэтым БЕЛТА паведамілі ў прэс-службе МЗС.

"Бакі абмеркавалі стан адносін і магчымыя напрамкі актывізацыі ўзаемадзеяння Беларусі з ПАСЕ і Саветам Еўропы ў цэлым, уключаючы далучэнне Беларусі да прававых інструментаў і механізмаў СЕ", - расказалі ў прэс-службе.

Як паведамлялася, дакладчык па Беларусі Камісіі па палітычных пытаннях і дэмакратыі ПАСЕ Андрэа Рыгоні 24-27 лютага знаходзіцца з візітам у Беларусі.