Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

24 Feb 2017

Макей абмеркаваў з паслом Індыі рэалізацыю сумесных беларуска-індыйскіх праектаў

24 лютага, Мінск /Кар. БЕЛТА/. Ход рэалізацыі сумесных беларуска-індыйскіх праектаў у гандлёва-эканамічнай і інвестыцыйнай сферах разгледжаны 24 лютага на сустрэчы міністра замежных спраў Беларусі Уладзіміра Макея з Надзвычайным і Паўнамоцным Паслом Індыі Панкаджам Саксена. Аб гэтым БЕЛТА паведамілі ў прэс-службе МЗС Беларусі.

"Бакі абмеркавалі шырокае кола пытанняў двухбаковых адносін і міжнароднай праблематыкі, правядзенне двухбаковых мерапрыемстваў у бягучым годзе", - праінфармавалі ў МЗС.

Як адзначаецца на сайце пасольства Беларусі ў Індыі, супрацоўніцтва дзвюх краін у гандлёва-эканамічнай сферы на працягу апошняга дзесяцігоддзя дынамічна развіваецца. Асноўнымі прыярытэтамі супрацоўніцтва з'яўляюцца вытворчая кааперацыя, сумесныя праекты ў галінах навукі, тэхналогій і фармацэўтыкі, а таксама інвестыцыйнае супрацоўніцтва.

"Прымяняльна да перспектыў двухбаковага беларуска-індыйскага супрацоўніцтва магчыма перш за ўсё гаварыць аб праектах, што выходзяць за рамкі звычайнага гандлю. Гэта і стварэнне новых сумесных вытворчасцей, інтэнсіфікацыя супрацоўніцтва ў сферы адукацыі, здабычы карысных выкапняў, узаемны экспарт паслуг", - гаворыцца ў інфармацыі пасольства.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі