23 лістапада, Мінск /Кар. БЕЛТА/. Міністр замежных спраў Беларусі Уладзімір Макей абмеркаваў з намеснікам міністра замежных спраў Індыі Суджатай Мехта гандлёва-эканамічнае супрацоўніцтва дзвюх дзяржаў. Аб гэтым БЕЛТА паведамілі ў прэс-службе МЗС Беларусі.
"У час сустрэчы бакі абмеркавалі ўвесь комплекс актуальных пытанняў двухбаковых адносін, уключаючы гандлёва-эканамічнае і інвестыцыйнае супрацоўніцтва, абмен візітамі на вышэйшым і высокім узроўнях", - расказалі ў прэс-службе.
Тэмай перагавораў таксама стала ўзаемадзеянне ў міжнародных арганізацыях.
У Мінску 22 лістапада прайшоў пяты раўнд кансультацый знешнепалітычных ведамстваў Беларусі і Індыі. Беларускую дэлегацыю на кансультацыях узначаліў намеснік міністра замежных спраў Валянцін Рыбакоў, індыйскую - намеснік міністра замежных спраў Суджата Мехта.