Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

30 Май 2018

Макей абмеркаваў развіццё адносін Беларусі і Германіі з дэлегацыяй па лініі фонду Кербера

30 мая, Мінск /Кар. БЕЛТА/. Міністр замежных спраў Беларусі Уладзімір Макей сустрэўся з дэлегацыяй членаў "Знешнепалітычнай сеткі" германскага фонду імя Кербера, паведамілі БЕЛТА ў прэс-службе МЗС Беларусі.

Члены "Знешнепалітычнай сеткі" германскага фонду імя Кербера з 30 мая па 1 чэрвеня робяць інфармацыйную паездку ў Беларусь. У склад дэлегацыі ўвайшлі супрацоўнікі ведамства Федэральнага канцлера ФРГ, апарату Бундэстага, шэрага федэральных міністэрстваў і ведамстваў, прадстаўнікі аналітычных структур, акрэдытаванага ў Берліне дыпкорпуса. У сустрэчы ў МЗС таксама прыняў удзел Надзвычайны і Паўнамоцны Пасол Германіі ў Беларусі Петэр Дэтмар.

Уладзімір Макей ахарактарызаваў асноўныя прыярытэты знешняй палітыкі беларускай дзяржавы, падрабязна асвятліў знешнепалітычныя ініцыятывы Прэзідэнта Беларусі, накіраваныя на пашырэнне ідэй партнёрства інтэграцыйных аб'яднанняў, абнаўлення агульнаеўрапейскага дыялогу ў сферы бяспекі, закрануў тэматыку ўзаемадзеяння паміж Беларуссю і ЕС і развіцця беларуска-германскіх адносін.

Кіраўнік МЗС Беларусі адказаў на шэраг пытанняў, пацвердзіў зацікаўленасць беларускага боку ў прадаўжэнні канструктыўнага супрацоўніцтва з фондам імя Кербера.

Фонд імя Кербера - адзін з вядучых аналітычных цэнтраў ФРГ у галіне знешняй палітыкі. "Знешнепалітычная сетка", якая функцыянуе ў рамках фонду, аб'ядноўвае маладых прафесіяналаў у міжнароднай сферы. Штогод з 2005 года па лініі фонду арганізуюцца рабочыя паездкі ў краіны, якія маюць асаблівае значэнне для германскай знешняй палітыкі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі