Падзеі

"Магчыма, недзе трэба і рызыкнуць". Лукашэнка хоча бачыць у Беларусі разумную падатковую сістэму

3 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка даручыў Міністэрству па падатках і зборах прааналізаваць падатковае заканадаўства і выпрацаваць разумную падатковую сістэму. Такую задачу кіраўнік дзяржавы паставіў перад ведамствам 3 сакавіка, прымаючы кадравыя рашэнні, перадае карэспандэнт БЕЛТА.

"Міністру па падатках і зборах трэба яшчэ раз прааналізаваць наша падатковае заканадаўства. Я вельмі спадзяюся на вас, што вы як вопытны чалавек, які папрацаваў па многіх напрамках, прапануеце нейкую новую разумную сістэму. Можа, недзе трэба і рызыкнуць - у нас краіна кіруемая. Але не трэба ні за кім ганяцца, трэба зыходзіць з нашых умоў", - сказаў Аляксандр Лукашэнка.

Вельмі важнай задачай кіраўнік дзяржавы назваў аптымізацыю падатковых ільгот. Паводле слоў Прэзідэнта, трэба выпрацаваць такую сістэму, каб прадпрымальнікі маглі ў ёй лёгка разабрацца, а не пачалі свой новы рабочы дзень з паходу ў падатковыя інспекцыі. "А так бывае", - заўважыў Аляксандр Лукашэнка.

версія для друку

зрабіць стартавай

дабавіць у выбранае