Падзеі

Лукашэнка зрабіў запіс у Кнізе ганаровых гасцей Савета Федэрацыі

Фота council.gov.ru

14 сакавіка, Масква /Кар. БЕЛТА/. Прэзідэнт Беларусі Аляксандр Лукашэнка зрабіў запіс у Кнізе ганаровых гасцей Савета Федэрацыі Федэральнага Сходу Расійскай Федэрацыі.

Кіраўніка дзяржавы сустрэла старшыня Савета Федэрацыі Валянціна Мацвіенка. Кіраўнік дзяржавы ўручыў ёй букет кветак.

"Паважаная Валянціна Іванаўна! Паважаныя сенатары Савета Федэрацыі Федэральнага Сходу Расійскай Федэрацыі! Рады сустрэчы ў сценах Савета Федэрацыі. Высока цаню ваш значны ўклад ва ўмацаванне дружбы і стратэгічнага партнёрства паміж Рэспублікай Беларусь і Расійскай Федэрацыяй, вашы безупынныя намаганні па развіцці супрацоўніцтва паміж рэгіёнамі дзвюх краін", - падкрэсліў Прэзідэнт.

Аляксандр Лукашэнка разлічвае, што зладжаная сумесная работа парламентарыяў будзе прырастаць новымі ініцыятывамі і праектамі, садзейнічаць эфектыўнаму раскрыццю патэнцыялу міжрэгіянальнага і міждзяржаўнага ўзаемадзеяння, павышэнню дабрабыту людзей. "Усё гэта робіць наш Саюз мацнейшым", - упэўнены Прэзідэнт.

версія для друку

зрабіць стартавай

дабавіць у выбранае