Падзеі

Лукашэнка ўзгадніў назначэнне кіраўнікоў у мясцовых органах улады

30 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка 30 чэрвеня ўзгадніў назначэнне кіраўнікоў мясцовых выканаўчых і распарадчых органаў, перадае карэспандэнт БЕЛТА.

Віктар Рафаловіч узгоднены на пасаду намесніка старшыні Брэсцкага аблвыканкама, ён будзе курыраваць пытанні сацыяльнай сферы. Андрэй Болтрык зойме пасаду намесніка старшыні Гродзенскага аблвыканкама, у яго распараджэнні будуць пытанні эканомікі.

На пасаду старшыні Ганцавіцкага райвыканкама ўзгоднены Павел Валчок. Валянцін Ундруль будзе кіраваць Буда-Кашалёўскім райвыканкамам, Аляксандр Атрашэнка - Рагачоўскім, Дзмітрый Шпігановіч - Хойніцкім, Сяргей Гайкоў - Чачэрскім.

Сяргей Андрэеў узгоднены на пасаду кіраўніка адміністрацыі Савецкага раёна Гомеля, яго калегам па Цэнтральным раёне горада стане Дзмітрый Згурскі.

Мікіта Рэўт узгоднены на пасаду старшыні Дзяржынскага райвыканкама. Вячаслаў Лапатко зменіць пасаду першага намесніка старшыні Смалявіцкага райвыканкама на старшыню Крупскага райвыканкама. Мінскі раён узначаліць Дзяніс Калесень, Стаўбцоўскі - Андрэй Атрушкевіч, Пухавіцкі - Аляксандр Маеўскі і Горацкі - Мікалай Арлёнак.

версія для друку

зрабіць стартавай

дабавіць у выбранае