Падзеі

Лукашэнка запатрабаваў тэрмінова пераламаць тэндэнцыю ўзрастаючай інфляцыі

Фота з архiва

9 верасня, Мінск /Кар. БЕЛТА/. Тэндэнцыю ўзрастаючай інфляцыі неабходна тэрмінова пераламаць. Аб гэтым Прэзідэнт Беларусі Аляксандр Лукашэнка заявіў 9 верасня на нарадзе з апаратам Нацыянальнага банка і кіраўніцтвам банкаў, перадае карэспандэнт БЕЛТА.

Кіраўнік дзяржавы абазначыў асноўныя задачы, якія стаяць перад айчыннай банкаўска-фінансавай сістэмай. Яны, паводле яго слоў, даволі традыцыйныя і тут наўрад ці можна адкрыць нейкія новыя напрамкі, што, зрэшты, не робіць іх менш значнымі.

Прэзідэнт падкрэсліў, што першарадная задача - Нацбанка і ўсёй сістэмы - падтрыманне цэнавай стабільнасці.

На гэты час тэмпы прыросту спажывецкіх цэн да ўзроўню ліпеня мінулага года ў гадавым выражэнні ўжо склалі 7,4 працэнта. Праўда, у жніўні інфляцыя скарацілася на 0,3 працэнтнага пункта, але ўсё роўна перасягае гадавы мэтавы параметр - не вышэйшы за 5 працэнтаў.

"Тэндэнцыю ўзрастаючай інфляцыі неабходна пераламаць, - запатрабаваў кіраўнік дзяржавы. - І роля Нацбанка ў гэтым працэсе наогул пакуль слаба прасочваецца. Павінна быць сфарміравана ўстойлівае, прадказальнае фінансавае асяроддзе для бізнесу і насельніцтва".

"Нізкая інфляцыя патрэбна нашым прадпрыемствам для планавання доўгатэрміновых інвестыцый. А людзям - для таго, каб не падала іх пакупная здольнасць і не абясцэньваліся даходы і зберажэнні", - растлумачыў Аляксандр Лукашэнка.

версія для друку

зрабіць стартавай

дабавіць у выбранае