Падзеі

Лукашэнка заклікае не наракаць на няхватку кадраў у медыцыне, а правільна выбудоўваць сістэму

3 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка заклікае не наракаць на няхватку кадраў у медыцыне, а правільна выбудоўваць сістэму абслугоўвання насельніцтва. Аб гэтым ён заявіў на адкрыцці новай паліклінікі ў Мінску, перадае карэспандэнт БЕЛТА.

"Кажуць, што ў нас не хапае ў ахове здароўя людзей. Кажуць, яшчэ недзе не хапае. Заўсёды нечага нам не хапала. Перш за ўсё грошай, потым людзей і іншае, - адзначыў кіраўнік дзяржавы. - Людзей у нас хапае. Нам трэба разабрацца. Нам трэба (дзе, як кажуць, не хапае) сістэму мяняць. Трэба выбудаваць так сістэму, каб тыя людзі, якія ёсць, маглі працаваць, зарабляць і абслугоўваць насельніцтва. Гэта больш чым на 200 працэнтаў датычыцца Міністэрства аховы здароўя і нашых медыкаў. Не трэба плакацца, што вы звыш 8 гадзін у суткі працуеце. Медыкі - гэта як Прэзідэнт: колькі трэба, столькі і працуем. А куды дзецца? Таму цярпіце там, дзе даводзіцца працаваць 10 гадзін. Вывучайце новыя тэхналогіі, ушчыльняйцеся".

Аляксандр Лукашэнка прывёў прыклад, што не ўсюды яшчэ ў ахове здароўя працуе інфармацыйная сістэма, і ў гэтым плане трэба актыўна ўкараняць ІТ-тэхналогіі.

"Таму давайце будзем будаваць наша жыццё так, каб добра ці гэтак жа, як Мінску, было ў Хоцімску, Мсціслаўі, Шклове і іншых гарадах. Трэба папрацаваць даўжэй, - давайце папрацуем. Давайце перастанем ныць і плакаць, што ў нас не хапае людзей. Слухайце, мы ж не ва Украіне, дзе вайна ідзе. Вунь паглядзіце, што робіцца ў хвалёнай Польшчы, куды некаторыя нашы пабеглі, а цяпер тысячамі просяцца ў дыктатуру: "Мы дадому хочам!" - сказаў кіраўнік дзяржавы.

"Прыклад таго - Коля Статкевіч. Пасядзеў-пасядзеў на граніцы на лавачцы і дамоў вярнуўся. А не вярнуўся б - ужо пахавалі б. Вы (урачы. - Заўвага БЕЛТА) яго выратавалі нядаўна - інсульт. Адвезлі да Румо (у Мінскі НПЦ хірургіі, транспланталогіі і гематалогіі. - Заўвага БЕЛТА), там круцілі-вярцелі. Там адзіны апарат у краіне, па-мойму (трэба паглядзець, можа, яшчэ пару штук купіць). Выратавалі мужыка, які ўзрываў, які хацеў перавярнуць краіну, забіць Прэзідэнта. А як здарылася бяда - прыбег да гэтага самага Прэзідэнта ў "дыктатуру", каб яго выратавалі. Вы яго выратавалі", - дадаў Аляксандр Лукашэнка.

версія для друку

зрабіць стартавай

дабавіць у выбранае