Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

25 Aug 2017

Лукашэнка выказаўся за скарачэнне колькасці легіянераў у хакеі

Лукашэнка выказаўся за скарачэнне колькасці легіянераў у хакеі25 жніўня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка выказаўся за скарачэнне колькасці легіянераў у беларускім хакеі, у тым ліку ў клубе "Дынама-Мінск". Аб гэтым ён заявіў сёння на сустрэчы з ігракамі і трэнерскім складам гэтага клуба, перадае карэспандэнт БЕЛТА.

"У нас застанецца 3, максімум 4 ігракі-легіянеры на наступны год. Гэта маё строгае патрабаванне. Мы не можам плаціць грошы немаведама каму, хто не гуляе за нацыянальную зборную. Таму што гэта галоўнае - нацыянальная зборная і дынамаўскі клуб", - заявіў беларускі лідар.

Адначасова ён адзначыў, што калі цяперашнія замежныя ігракі пакажуць сябе добра, то змогуць застацца ў камандзе, і іх паслугі будуць запатрабаваны. "Мы іх ніколі з каманды не выкінем. Яны ў нас застануцца. Калі хто-небудзь з іх захоча выступіць за зборную Беларусі на Алімпіядзе, мы разгледзім гэта пытанне. Але на будучае мы возьмем гэты крэн (на карысць ігракоў з Беларусі. - Заўвага БЕЛТА), каб нашы хлопцы пачыналі гуляць, каб яны не былі ў дадатак да некага, каб яны на пляцоўцы адчувалі сябе асноўнымі ігракамі", - сказаў Аляксандр Лукашэнка.

"Гэта не датычыцца хлопцаў, якія да нас прыехалі сёння гуляць са Швецыі, Канады і гэтак далей. Гэта на сённяшні дзень нашы хлопцы. Будуць гуляць па-сапраўднаму, будуць вядучымі ў камандзе, мы да іх будзем ставіцца як да сваіх. Нават яшчэ больш. Таму што яны прыехалі здалёк, каб гуляць за Беларусь. Проста гэта тэндэнцыя. Вы павінны гэта ведаць", - яшчэ раз акцэнтаваў увагу Прэзідэнт.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі