9 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка 9 ліпеня накіраваў спачуванне Імператару Японіі Акіхіта ў сувязі са шматлікімі чалавечымі ахвярамі ў выніку паводак і апоўзняў на захадзе краіны. Аб гэтым БЕЛТА паведамілі ў прэс-службе беларускага лідара.
"У гэты цяжкі для вашай краіны час ад імя беларускага народа і сябе асабіста выказваю шчырыя спачуванні і перадаю словы падтрымкі вам, родным і блізкім загінулых, а таксама ўсім пацярпелым ад ўдару стыхіі", - гаворыцца ў спачуванні.