Падзеі

Лукашэнка расказаў пра візіт у хуткім часе ў Кітай і сустрэчу з Сі Цзіньпінам

Фота з архiва

21 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка расказаў аб сваім маючым адбыцца візіце ў Кітай і сустрэчы са Старшынёй КНР Сі Цзіньпінам. Адпаведную заяву кіраўнік дзяржавы зрабіў 21 жніўня на нарадзе па пытанні ракетнай вытворчасці, перадае карэспандэнт БЕЛТА.

Гаворачы аб актуальнасці парадку дня мерапрыемства, на якім трэба вызначыць шляхі далейшага развіцця ракетабудавання ў краіне з улікам форм і метадаў вядзення баявых дзеянняў у сучасных умовах, Прэзідэнт звярнуў увагу на яшчэ адзін значны аспект.

"Гэта важна яшчэ і ў сувязі з маім візітам у Кітайскую Народную Рэспубліку і размовай са Старшынёй КНР Сі Цзіньпінам (у нас такая сустрэча плануецца). Чаму? Таму што пачыналі мы, прадаўжалі ракетабудаванне ў цеснай сувязі з кітайскім ваенна-прамысловым комплексам, і цяпер у нас ёсць кантакты", - сказаў Аляксандр Лукашэнка.

Раней паведамлялася, што Старшыня КНР Сі Цзіньпін запрасіў Прэзідэнта Беларусі Аляксандра Лукашэнку на саміт Шанхайскай арганізацыі супрацоўніцтва і парад у Пекіне, якія пройдуць у канцы жніўня - пачатку верасня.

"У канцы жніўня ў нас адбудзецца ў Цяньцзіне саміт ШАС, а крыху пазней, 3 верасня, мы ўрачыста будзем адзначаць Перамогу ў сусветнай антыфашысцкай вайне - праводзім парад. Я сардэчна запрашаю і буду рады вас бачыць", - сказаў кітайскі лідар на сустрэчы з беларускім калегам у чэрвені бягучага года.

Маштабны парад, на якім армія Кітая прадставіць ваенную тэхніку, што знаходзіцца на ўзбраенні, а таксама новыя перадавыя ўзбраенні, у тым ліку гіпергукавыя ракеты, танкі і беспілотныя сістэмы, адбудзецца 3 верасня. Урачыстае мерапрыемства пройдзе ў гонар 80-й гадавіны Перамогі ў Вайне супраціўлення кітайскага народа японскай агрэсіі і сусветнай антыфашысцкай вайне.

За некалькі дзён да ваеннага парада ў Цяньцзіне пройдзе саміт Шанхайскай арганізацыі супрацоўніцтва (ШАС). Мерапрыемства плануецца правесці з 31 жніўня па 1 верасня.

версія для друку

зрабіць стартавай

дабавіць у выбранае